Оскуола публичнай отчуота.

Ыам ыйын 15 күнэ 2009 с.

Ытыктабыллаах ыалдьыттар, төрөппүттэр, үөрэнээччилэр,

бастатан туран Аан дойдутаа5ы дьиэ кэргэн күнүнэн э5эрдэлиирбин көңүллээң!

I. Оскуола ба5ата уонна кадрын састааба.

Үлэ Геройа Г.Е.Бессонов аатын сүгэр Тойбохой орго оскуолата быйылгы үөрэх сылыгар саңа дьыл иннинэ 125 сылын юбилейдаан ааста.

1883 сыл «Грамота оскуолатыгар» 2-3 о5олоох үлэтин са5алаабыт буолла5ына, күн бүгүн 363 үөрэнээччи үөрэнэ олорор!

Үөрэнээччилэри 57 учуутал, 5 салайар персонал, 31 техническэй үлэһит үөрэтэр, үөрэнэр усулуобуйатын хааччыйар.

Оскуола материальнай ба5атыгар уларыйыыбыт диэн, быйылгы үөрэх дьылыгар о5о дьиэтин «групповой» дэнэр дьиэтин 5 сылга дуогабар быһыытынан уларсан, 6 кылаас үөрэнэр корпуһун быһыытынан уларытан, сылыгар үлэтэ төрөппүттэр күүстэринэн ыытыллан, билигин начальнай кылаастар үөрэнэр корпустара буолла, онон оскуола биир сменаннан үөрэнэр кыахтанна.

Үөрэнэр кадр туһунан этэр буоллахха, 57 үөрэтэр учууталтан үрдүк үөрэхтээ5э - 44, ситэтэ суох үрдүк – 2, орто анал үөрэхтээ5э – 11 киһи. Үлэлээбит стажтарынан көрдөххө 10 сылга дылы үлэлээбит – 14, 10 сылтан ордук үлэлээбит – 22, 20 сыл стажтаах – 13, 30-тан үөһэ стажтаах 8 киһи. Быйылгы үөрэх дьылыгар 3 саңа үлэһит үлэ5э кэллэ: историк, физрук, информатика учуутала.

Кэлэр үөрэх сылыгар эбии 3 саңа учуутал кэлэрэ күүтүллэр: физкультура, английскай, нуучча тылын учууталлара.

II. Үөрэхтээһин (завуч Максимова В.П.)

Үөрэнээччилэр исполняемостарын ылан көрдөххө: начальнай кылаастарга 8 комплект кылааска 14-түү о5о, орто звено5а 11 кылаас – 18-тыы о5о, үрдүкү кылааска 3 кылаас комплект – 17-лии о5о, онон оскуола үрдүнэн 22 кылааска, ортотунан – 16 о5о үөрэнэр. Профильнай, дьириңэтэн предметтэри үөрэтэр 3 кылаас баар, социально-экономическэй – 2 кылаас, естественно-математическэй профиль – 1 кылаас.

Үс чиэппэр туругунан үөрэх успеваемоһын көрөр буоллахха, начальнайга 111 о5о үөрэннэ - успеваемость 100%: 6 отличник, 59 ударник - хаачыстыба 76,5%.

Орто звено 199 о5о - успеваемость 98,8%: 7 отличник, 66 ударник баар, хаачыстыба 36%. Үрдүкү кылааска 53 о5о - успеваемость 100%: ударник 18, хаачыстыба 36%. Онон оскуола үрдүнэн үөрэ5и билии 98,8%, хаачыстыба 46,6%.

Үөрэнээччилэр кэлиилэрин, барыыларын ырыттахха сыл устата оскуолаттан атын сиргэ 27 о5о барда, 16 о5о кэллэ, ордук элбэх о5о о5о дьиэтиттэн барда.

Үөрэх программатын сэргэ дуальнай үөрэхтээһин чэрчитинэн (эбии идэ биэрээһининэн) үөрэтии сыл аайы сал5анан барар, ба5алаах о5олор араас идэни баһылыыллар, аттестаты кытта сэргэ быйылгы үөрэх дьылыгар:

9 о5о – тракторист-машинист,

9 о5о – А, В категориялаах шофер,

7 о5о – повар-кондитер,

8 о5о – атыыһыт-идэтин ыллылар, иистэнньэң идэтин үөрэ5ин быйыл о5о дьиэтин иһинэн са5алаатылар.

Ааспыт үөрэх сылын выпускниктара 39 о5о үөрэххэ киириилэрин көрүөххэ. Социально-экономическэй кылаас 13 о5о, үрдүк үөрэххэ 7, орто аналга – 6 о5о киирбитэ, естественно-научнай – 15 о5о, онтон 9 о5о үрдүк, 6 орто анал үөрэх. Универсальнай – 11 о5о – 3 үрдүк, 8 орто анал. Онтон 39 выпускниктан 19 үрдүк, 20 орто анал үөрэххэ киирбиттэрэ.

Быйылгы үөрэх сылыгар барыта 18 араас предметтэргэ, араас тематика5а элективнэй курстар кылаас тас өттүнэн о5олор интэриэстэрин тардар курдук буоллулар.

Оскуола үөрэ5ин биир сүрүн көрдөрүүтүнэн үөрэнээччилэр улуустаа5ы предметнэй олимпиада5а кыттыылара буолар:

1. Нуучча тылыгар улахаттарга Каженкин Миша – I миэстэ (учуутала: Семенова Т.И.); Тимофеев Максим – III м.(уч.: Евсеева В.В.), литература5а Каженкин Миша – I м. (уч.: Семенова Т.И..)

2. Кыраларга уолаттарга нуучча тылын олимпиадаларыгар: Евсеев Вася – 5 б кыл. – I м. (Степанова А.И.), Алексеев Адам – 7 б кыл. – I м. (уч. Семенова Т.И.)

3. Саха тыла, литературата – Уарова Люба – 10 б кыл. – I м. (Михайлова Т.Г.)

4. Французскай тылга – Спиридонова Ньургуяна – 9 б кыл. – I м., Иванова Лиза – 9 б кыл. – II м., Васильева Линда – 10 б кыл. – II м., Иванова Сахаайа – 10 б кыл. – III м. (уч.: Иванова Т.Е.)

5. Биология – Максимов Женя – 11 кыл. - I м., Иванова Лиза – 9 б кыл. – II м., Уарова Лена – 11 кыл. – IV м. (уч.: Иванова Т.С.)

6. Право – Тотонов Айаал – 11 кыл. – II м. (уч.: Спиридонов А.К.)

7. Математика – Васильева Рада – 6 а кыл. – II м. , Павлова Юля – 6 а кыл. – III м., Степанова Анна – 6 а кыл. – III м. (уч. Герасимова Н.В.), Попов Илья – 6 б кыл. – I м. (уч. Никифорова Л.А.)

8. Физика – Васильев Вася – 10 а кыл. – I-II м., Мохова Айыына – 10 б кыл. – I-II м., Иванова Сахаайа – 10 б кыл. – III м. (уч. Саввинова О.П.)

9. Экономика – Максимов Женя – 11 кыл. – I м., Осипов Семен – 10 а кыл. – II м. (уч. Максимова В.П.)

10. Технология – Мохова Айыына – 10 б кыл. – III м. (уч. Федорова В.В.)

Маны таһынан о5олор международнай конкурстарга «Русский медвеженок» - нуучча тыла, «Золотое руно» - история, «Кенгуру» - математика курдуктарга активнайдык кытыннылар, түмүгэ өссө да биллэ илик.

Региональнай, республиканскай «Инники хардыыга» НПК-ђа Степанова Анна – 6 б кыл. – II м. (Степанова А.И.), Иванова Люба – 11 кыл. – III м. (Семенова Т.И.), Степанов Никита – 6 а кыл. – II м. (Герасимова Н.В.), Иванов Игнат – 9 в кыл. – лауреат (Степанова В.Е.), Спиридонова Ньургуяна – 9 б кыл. – региональнайга – III м., республиканскайга - III м.(Степанова В.Е., Николаев Б.Е.), Леонтьева Айза – 5 а кыл. – региональнайга – I м.(Николаева О.И., Никифорова Л.А.).

Улуустаа5ы комплекснай олимпиада5а Иванова Лиза – 9 б кыл. – «Знаток французского языка», Тимофеев Максим – 10 б кыл. – «Знаток мировой художественной литературы» номинация хаһаайыттара буоллулар.

III. Научно-методическай үлэ (салайааччы Леонтьева П.Е.)

Үөрэх министрэ Ф.В. Габышева, атырдьах ыйынаа5ы учууталлар сүбэ мунньахтарыгар, бэйэтин дакылаатыгар биһиги оскуола сетевой экономическэй үөрэхтээһинин үчүгэй өрүтүнэн сыаналаан турар. Онтон өссө тирэх ылан, алтынньы ыйдаа5ы сетевой түмсүү «ТЕМП» Үөрэх министерствотын экспертнай советыгар отчуоттаан, үчүгэй сыанабылы ылан, быйылгы үөрэх дьылыгар ордук таһаарылаахтык, араас хайысхалаахтык үлэлээн кэллэ: Бессоновскай республиканскай аа5ыылар, ФГОС республикатаа5ы НПК-та, Ресурснай центр улууска отчуота – профильнай үөрэхтээһиңңэ, 3 семинар, 1 төгүрүк остуол, учууталлар WEB-портфолиоларын оскуолатаа5ы конкурса, манна 10 учуутал кытынна.

Бессоновскай аа5ыыларга, ФГОС РНПК-ђа бэчээттэнэр кинигэ5э анаан материал бэлэмнээһин, билигин аны сайын Yөһээ-Бүлүүгэ ыытыллыахтаах Педярмарка5а бэлэмнэнии үлэтэ күүскэ барар.

IV. Иитэр үлэ хайысхата (салайааччы Мордовская В.И.)

Иитэр үлэ5э саңа дьылга дылы сүрүн хайысханан оскуола юбилейын чиэстээхтик, тэрээһиннээхтик көрсүү буолар. Билии күнүттэн са5алаан, араас хайысхалаах үлэлэр тиһигин быспакка былаан быьыытынан бардылар.

Ордук көрдөөхтүк, интэриэһинэйдик үөрэнээччилэр бэйэлэрэ саамай активнай кыттыылаах мероприятияларынан:

1. Музейнай уруоктар.

2. «Урожай 2008» – күнэ.

3. о5олор тэрийиилэринэн Учуутал бырааьынньыга,.

4. Самоуправление күнэ.

5. «Ийэ – дьиэ кэргэн биһигэ» - тематическэй кылаас чаастар, истиэнэ хаьыатын таьаарыы.

6. Комсомол мин олохпор – тематическэй биэчэр, Факельнай хамсааһын.

7. Тихонова К.С. – отчуоттуур концера.

8. Васильев Я.А. – бирииһигэр бокса5а улуустаа5ы турнир.

9. Үөрэнээччилэргэ анаан оскуола 125 сыллаах юбилейнай биэчэрэ уо.д.а.

Саңа дьыл кэннэ иитэр үлэ хайысхатынан барбыт тэрээһиннэр:

1. Саңа дьыллаа5ы бал-маскарад.

2. Таңха киэһэтэ.

3. Конкурс «Мистер школы».

4. Тематическай биэчэр «Саамай аа5ар ыал»

5. Ырыа, строй смотра – 5-8 кыл.

6. Тематическай биэчэр «Республика күнэ».

7. Советскай союз геройун аатын – 75 сыла.

8. «А5алар, ийэлэр» волейболга хамаанданан күрэхтэрэ.

9. Кыайыы күнүгэр аналлаах парадка кыттыы, гирлянда ууруута.

Араас конкурстарга, күрэхтэргэ, спортивнай күрэхтэһиилэргэ кыттааһын:

1. Чэпчэки атлетика5а Дьаархаңңа кытааһыңңа: Васильев Коля – 6 б кыл. – I м., Прокопьева Сардана – 8 а кыл. – I м.

2. Волейболга Уһун-күөлгэ кустовой күрэххэ уолаттар - II м.

3. Олоңхону толорууга республикатаа5ы күрэххэ – Якутскай куоракка: Контогоров Валера – 7 а кыл., Уаров Петя, Уаров Толя – 8 а кыл. – III м.

4. Республикатаа5ы о5олор конференцияларыгар «Детское движение в Якутии: история и развитие» диэңңэ Васильева Линда – 10 б кыл. дакылаатынан кытынна.

5. Республикатаа5ы деловой оонньууга «Молодежь – инновационно-стратегический Ресурс РС(Я)» Васильев Вася – 10 б кыл. -I м. ноутбук ылла. Тимофеев Максим – 10 б кыл. – IV м. сертификат ылла.

6. Маны сэргэ биһиги о5олорбут «Полярная звезда – 2009», «Дэгэрэң ырыа», «Ырыаһыт ымыылар» ырыа конкурстарыгар ситиһиилээхтик кытыннылар, лауреат үрдүк аатын ыллылар.

Төлөбүрдээх куруһуоктарга Тихонова Клара Степановна - «Күөрэгэй» ырыа ансаамбыла, Семенова Мария Николаевна (СДК) – «Дьэргэлгэн» үңкүү ансаамбыла, Павлова Надежда Николаевна (СДК) - «Хомусчаан» хомуска ансаамбыла, Данилов Константин Викторович – «Уһуйаан» уруһуй куруһуога, Иванов Иван Степанович – норуодунай инструмент ансаамбыла, о5уруонан тигии Данилова Мария Николаевна. Yчүгэйдик үөрэх сылын устата үлэлээтэ, араас көрүүлэргэ, күрэхтэргэ кытыннылар, республика5а тиийэ күрэххэ «Ыллаа, туой уол о5о» Уус-алдаңңа күрэ5эр лауреат үрдүк аатын ыллылар (сал. Тихонова К.С.)

Онон иитэр үлэ араас өрүттээх үлэтэ былааннаахтык бара турар.

V. «Кэнчээри» о5о тэрилтэтэ (сал.: Саввинова А. П.)

11 сылын биһиги оскуолабытыгар начальнай кылаас үөрэнээччилэригэр анаан «Кэнчээри» диэн ааттаах о5о пионерскай тэрилтэтэ үлэлиир. Бу тэрилтэ5э барыта 112 о5о киирэр.

Алын сүһүөх кылаас о5олоро 100% бары куруһуоктарынан, секцияларынан хабыллыбыттара. Ол курдук, биһиги о5олорбут кылаас салайааччылара ыытар куруһуоктарыгар, «Күөрэгэй» ансамбльга, «Дьэргэли» үңкүү, «Хомусчаан», куруһуогар», теннис, бокса секциятыгар сылдьаллар.

Ый аайы декадалар, нэдилэлэр былаан быьыытынан ыытыллалар. Ол курдук бу үөрэх дьылыгар ыйдарынан ыытылынна:

• Бала5ан ыйа - «Мин айыл5а о5отобун»

• Алтынньы ый «Биһиги таптыыр учууталларбыт , ийэлэрбит»

• Сэтинньи - «Оскуолабыт кэрдиис кэмнэрэ»

• Ахсынньы - «Yбүлүүөйгунэн , мин таптыыр оскуолам»

• Тохсунньу - « Эдэр аа5ааччы декадата»

• Олунньу - « Чөл олох - доруобуйа төрдө»

• Кулун тутар — «Сатабыллаах Илии чункуйбат»

• Муус устар - «Мин дьиэ кэргэним»

• Ыам ыйа - «Yөрэх дьылын түмүгэ»

Ыыттыллыбыт тэрээһиннэргэ о5о 100% хабыллар. Төрөппүттэр көхтөөх кыттыыны ылаллар.

VI. Библиотека үлэтэ (библ. Винокурова С.Е.)

Библиотека фондата 20609 кинигэлээх, онтон учебнига 13014 шт., методическэй литература, пособия – 905 шт., художественнай литература – 6683. Аудио, видео матырыйаал – 7 шт.

Быйылгы үөрэх сылыгар – 600 кинигэ ылылынна. Быйыл 2009 сылга бэчээти сурутууга биир да солкуобай көрүллүбэтэ, былырыын 73 араас көрүңнээх 34846 солк. сурутуу баар этэ. Кистэл буолбатах, үгүс учебник программаттан эргэрдэ, хаалла, ахсаан кэмчи. Кинигэни үөһэттэн кэллэ5инэ эрэ бэлэми ылабыт. Оттон бэйэң атыылаһыаххын харчы суох.

Манна чуолаан саңа кинигэ атыылаһарга төрөппүт бол5омтотун ууруохтаах, үөрэнэр о5отугар учебник атыылаһан хааччыйыахтаах, эбэтэр, харчы хомуйан кылааһынан туттарыахтаах. Оччо5о эрэ балаһыанньаттан тахсар кыахтаахпыт.

VII. Социально-психологическэй үлэ (сал.Степанова М.Е.)

Быйылгы үөрэх дьылыгар 204 ыал, онтон 25 ыал кыаммат, 35 элбэх о5олоох, 11 инвалид о5о, опека5а 5 о5о, дьиэ5э үөрэнээһининэн 7 о5о, чэпчэтиилээх аһылыгынан 167 үөрэнээччи хабылынна.

СПС линиятынан коррекционнай-сайыннарар, сэрэтэр, сырдатар, диагностическай үлэлэр былаан быһыытынан бардылар. Кылаас чаастара темаларынан «Табахтааһын содула», «Эйэ5эс тыллары күн аайы», «Мин атын дьон хара5ар», «Араас идэлэр», «Бэйэ5ин тохтоо! Диэ», «Охсуһуута суох олорорго үөрэн», «Мин гражданиммын» уо.д.а.

Уруогу көтүтээччи о5олору кэтээн көрүү, бэсиэдэлэр, дьиэлэригэр рейдэлэр буоллулар.

Yөрэх сылын устата оскуола5а «СПС күнэ» Хочо кустатыгар тэрийэн ыыттылар, маны таһынан 7 араас улуус иһигэр семинардарга сылдьан, 7 араас тема5а иһитиннэрии оңордулар, квалификацияны үрдэтэр СПС линиятынан 3 араас хайысхалаах курска сырыттылар, билиилэрин хаңаттылар.

VIII. «Ситим» төрөппүт комитетын үлэтэ (салайааччы Семенова Р.Я.)

Быйылгы үөрэх сылыгар 4 араас боппуруостары хабан уопсай төрөппүт мунньа5а элбэх төрөппүт активнай кытааһыннаах барда, всеобуч буолла, анкеталар толоруннулар.

Ыйдарынан төрөппүттэр күүстэринэн араас хайысхалаах тэрээһиннэр ыытылыннылар:

1. «Күһүңңү киһи күлбүтүнэн» - ярмарка-выставка – бу традиция5а кубулуйбута ыраатта.

2. «Ийэ баар буолан» - ток-шоу.

3. Баай байанай айхала» - күрэхтэһии, булт аһын выставката.

4. Ахсынньы ыйга «Педагогическай энциклопедия5а» киирбит учууталлары чиэстээһин.

5. «Итэ5эй итэ5эйимэ» - таңха, итэ5эл туһунан ток-шоу.

6. Кылаас төрөппүттэрин икки ардыгар ийэ, а5а волейболга күрэ5э.

7. «Аа5ар дьиэ кэргэн» күрэх.

8. «Сэһэнтэн сэһэн» а5алардыын көрсүһүү.

Дьиэ кэргэн кэтэхтэн күрэ5эр «Бастың дьиэ кэргэн» номинация5а А.И., П.П. Уаровтар тиксибиттэрэ. Төрөппүт комитетын «Ситим» эмблематын күрэ5эр I миэстэни О.Е., О.Н. Ивановтар дьиэ кэргэннэрэ тиксибитэ. Президент аппаратын иһинэн үлэлиир Дьиэ кэргэн комитетын грамотатынан, остуолга ууруллар үрүң көмүс медалынан М.А., Ю.П. Осиповтар, төрөппүт комитетын председателя Семенова Р.Я. на5араадаланнылар.

IX. Профсоюз үлэтэ (председатель Халтанова А.Г.)

93 профсоюз чилиэннээх оскуола профкома оскуола администрациятын кытта ыга сибээстээхтик, былааннаах үлэтин ыытар. Икки өрүттээх сөбүлэһии быһыытынан 2008 сылга профсоюз 22 чилиэнэ босхо проеһынан туһанна, ол иһигэр 2 киһи Москва5а, уоннаа5ылар Якутскайга баран кэллилэр. Оскуола юбилейыгар анаан ыйдаа5ы хамнастан мунньан, үлэһиттэр сөбүлэңнэринэн 86 тыһ. солкуобай оформления5а, сувенирдары, значогу оңотторууга туһалынынна. Маны таһынан быйылгы үөрэх дьылыгар өлбүттэргэ, умайбыт дьиэлээхтэргэ анаан 43 тыһ. солкуобай харчынан көмө оңоһулунна. Ол курдук: Ньурба начальнай оскуолатыгар, Сунтаарга педгимназия умайбыт дьиэлээх үлэһитигэр, ыалдьар о5олоох Прохоровтар дьиэ кэргэннэригэр уо.д.а.

Оскуола5а, үлэһиттэргэ анаан чэбдигирдэр күн ананан нэдиэлэ аайы үлэлиир, эдэрдэр кэлэн мээчиктээн эрчиллэ, сүүрэн-көтөн бараллар.

Ол да түмүгүнэн сыл аайы ыытыллар, үгэскэ кубулуйбут хочо эңээрин үөрэ5ин үлэһиттэрин спартакиадатыгар биһиги оскуола үлэһиттэрэ бастакы миэстэни ылбыттара, улуус күрэ5эр киирэн эмиэ ситиһиилээхтик кыттан 2 кубогынан на5араадаланан та5ыстылар.

Бэйэ доруобуйаны көрүнүүтэ, үксэ дьахтар аймах үлэлиир тэрилтэтэ буолан, үөрэх дьылын устата ыалдьааһын а5ыйаабат, ол курдук быйылгы үөрэх дьылыгар үлэһиттэр 62 бюллетены туһаннылар, бу үөрэххэ успеваемоска, хаачыстыба5а охсуута улахан.

X. Оскуола бюджета (гл.бухгалтер Павлова С.Н.)

2009 сылга оскуола бюджета 38 мөл. 100 тыһ. солк. бигэргэннэ, онтон хамнаска 24 мөл. 19 тыһ.солк. көрүлүннэ. Коммунальнай өңө5ө 5 мөл. 835 тыһ.солк., сибээскэ интернеты киллэрэн туран 141 тыһ. солк., отпуска5а проезд 258 тыһ. солк., заочниктар проездтара – 50 тыһ. солк., итии аһылыкка 440 тыһ. солк. курдук көрүлүннэ.

Оттон ремоңңа, бэчээккэ, транспортнай өңө5ө, баһаартан сэрэтэр үлэ5э, дьиэбит страховкатыгар туох да көрүллүбэтэ.

Бастакы квартал түмүгүнэн бюджеты туһаныы маннык баран иһэр: сибээскэ – 18 тыһ., коммунальнай өңө5ө - 2 мөл. 431 тыһ. солк., хамнаска аа5ыллыы – 6 мөл. 630 тыһ. солк. Маны сэргэ үлэһиттэри хай5абылга (стимулирующай төлөбүр) быйылгы үөрэх сылыгар киирэн баран ааспыт сыл IV кварталыгар 1 мөл. 595 тыһ. солк., быйылгы сыл үөрэх I кварталыгар 1 мөл. солк. харчы үлэһиттэргэ бириэмийэ курдук түңэтилиннэ. Маны МО салайааччылара көрөн, оскуола управляющай сэбиэтэ (ШУС) бигэргэтиитинэн түңэтилиннэ.

XI. Оскуола юбилейын туһунан.

Ааспыт оскуола 125 сыллаах юбилейын туһунан. Юбилей коллектив түмсүүлээх үлэтин түмүгүнэн этэңңэ үрдүк таһымнаахтык ааста. Сүрдээх элбэх үлэһит чиэскэ-хай5алга на5араада5а тигистэ, оскуола материальнай базата байытылынна. Ол курдук суоппар, көстүбэккэ сүүрдэ илик да буолларбыт, саңа «Газель» микроавтобус, компьютернай кылаас – комплект, кухоннай тэрил, медицинскэй кабинет, история комплект картата, физика кабинета (кэлэ илик) бэрилиннэ. 21 араас көрүңнээх бэлэх харчынан 110 тыһ. солкуобай выпускниктартан тэрилтэттэн киирдэ.

Бухгалтериянан учуоттанан, анал комиссия көрүүтүнэн эппиэттээх дьоңңо аналларынан материальнай эппиэккэ бэрилиннэ. Харчы оскуола материальнай базата хаңыырыгар тутулла сылдьар, сүрүннээн мебельга, барыта хонтуруоллаах, отчуоттаах. Оскуола туһунан үчүгэй ис хоһоонноох кинигэ бэчээттэннэ, анал документальнай киинэ уһулунна, значок, буклеттар, календарь, вымпел, ыңырыы сурук бэчээттэтэн та5ыстылар, тар5аннылар, киирбит үп документальнай киинэ төлөбүрүгэр тутуланна. Юбилейы ыытыыга сүрдээх үчүгэй практическэй көмөнү музей (директор Евсеев А.В.), детдом коллектива (дир. Саввинов В.Г.) оңордулар. Тойбохой иһинээ5и баар тэрилтэлэр бэйэлэрин кыахтарынан материальнай көмөнү, бэлэ5и оңордулар. Манна төрөөппүттэр оруоллара сүрдээх улахан. Кинилэргэ барыларыгар бар5а махтал.

XII. Биһиги попечителлэрбит, меценаттарбыт.

Биһигин нэһилиэкпит үһүс сылын «О5ону нэһилиэгинэн бүттүүн иитии» диэн программаннан улэлии сылдьабыт. Сылын аайы Тойбанк түмүгүнэн хас биирдии кылааска «Сыл бастың үөрэнээччитэ» диэн аат иңэриллэр, манна оскуола общественнай, спортивнай оло5ор активнайдык кыттыы, үчүгэй сыана, бэрээдэк көрүллэр. Саамай элбэх Тойбанк баалын ылбыт о5о бастыыр. Нэһилиэк тэрилтэлэрэ бастың үөрэнээччигэ бэйэлэрин анал бириистэрин туттараллар, ол курдук:

1. Тойбохой нэһилиэгин администрацията: баһылык Николаев Евсей Афанасьевич, икки номинацияны бэлэмнииллэр «Бастың кылаас салайааччыта», «Бастың үөрэнээччи».

2. Тойбохойдоо5у Сельпо коллектива – салайааччы Яковлев Геннадий Егорович, профком председателя – Васильева Людмила Лазаревна икки номинацияны бэлэмнииллэр «Бастың кружок салайааччыта», «Бастың үөрэнээччи».

«Бастың үөрэнээччи» номинацияны:

3. Музей коллектива: директор Евсеев Александр Васильевич,

4. О5о дьиэтин коллектива: директор Саввинов Валерий Григорьевич,

5. Тойбохойдоо5у участковай балыыһа коллектива: Гл.врач Габышева Маргарита Дмитриевна,

6. ГУП «Хочо» коллектива: салайааччы Саввинова Мария Сергеевна,

7. «Сардана» детсад коллектива: сэбиэдиссэйэ Наумова Фатима Яковлевна,

8. «Ньургуһун» детсад коллектива: сэбиэдиссэйэ Саввинова Зинаида Васильевна,

9. «Чуораанчык» детсад коллектива: сэбиэдиссэй солбуйааччыта Леонтьева Зинаида Кирилловна,

10. Почта коллектива: начальник Петрова Лидия Николаевна,

11. «То5ой сэлэ» конезавод филиала: гл.бухгалтер Спиридонова Варвара Васильевна,

12. Культура дьиэтин коллектива: Директор Павлова Надежда Николаевна,

13. ЖКХ коллектива: начальник Федоров Иван Иванович,

14. ИП Степанов Влиандр Егорович.

Сыл аайы үөрэнэр о5олорго сүрдээх үчүгэй үөрэххэ стимулу биэрэллэр, кө5үлүүллэр.

Yөрэх дьылын бүтүүтүгэр «Тиһэх чуораан» бырааһынньыгар «Сыл бастың выпускнига» диэн биһиги оскуола меценаттара сылын аайы үгэс буолбут бэйэлэрин стипендияларынан оңороллор, ол курдук биир төгүллээх стипендиялар:

- Г.Е.Бессонов аатынан стипендияны о5олоро, сиэннэрэ оңороллор;

- В.Н.Евсеев, Д.А.Константинова аатынан стипендияны – о5олоро;

- начальнай кылаас «Бастың үөрэнээччитигэр» К.Н.Иванова аатынан стипендия;

- биьиги оскуола5а үлэлиир, үлэлээбит СР үтүөлээх үлэһиттэрэ анал стипендия оңороллор:

- Иванов Е.Я.

- Степанова А.И.

- Тихонова К.С.

- Васильев Я.А.

Дьиэ кэргэннэрин аатыттан: Нини Ильинична уонна Анатолий Егорович Даниловтар, Анатолий Николаевич Федоров уонна Агафия Германовна Халтанова, 7 методобъединениялар уонна нач.кылаас учууталларын М.О. бастың үөрэнээччигэ сылын аайы оңороллор, о5олору билии киэң эйгэтигэр кө5үлүүллэр.

Убаастабыллаах попечителлэрбитигэр махтанабыт, ба5арабыт кытаанах доруобуйаны, ситиһиилэх үлэни, тус олоххутугар дьолу! Инники да өттүгэр көмөлөһө туруохтара диэн эрэнэбит.

XIII. Түмүк

Иитэр-үөрэтэр үлэ5э штаты таһынан спортоскуолаттан бокса секцията – 15 о5о (сал. Васильев Я.А.), СЮттан техническэй моделирование куруһуогар – 25 о5о (сал. Федоров М.И.), юннатскай станция – 30 о5о (сал. Ефремова С.Н.) дьарыктаналлар. Манна ордук үчүгэйдик техническэй куруһуок үлэлээтэ, о5олор сөбүлээн дьарыктаналлар. Быйылгы үөрэх дьылыгар улууска 6 үлэ техническэй выставка5а турбутуттан 4 үлэ: Сметанин Тима – 7 кыл., Иванов Дьулус – 7 кыл. үлэлэрэ II миэстэ5э тигистилэр (кулун тутар 6 к.).

Республика техническэй выставкатыгар 5 үлэ баран кытынна, сертификатынан бэлиэтэннилэр.

Бокса5а дьарыктанар о5олортон Алкавиад Никаноров бирииһигэр кыраларга Васильев Коля – 6 кыл. III м., Сергеев Саша – 6 кыл. II м., Фомин Коля – 6 кыл. III м., Андреев Петя – 7 кыл. III м.. Улахаттарга Сметанин Витя – 9 кыл. II м., Мохов Дьулус – 9 кыл. III м., Яковлев Эрик – III м. буоллулар. Улуустаа5ы бокса5а Я.А. Васильев бирииьин күрэ5эр улахан уолаттарга Тотонов Виталий – 11 кыл. II м., Ощепков Толя – 11 кыл. II м., Николаев Саша – 11 кыл. II м. тигистилэр.

Түмүккэ оскуола коллектива ыытар үлэтэ сүрдээх киэң, элбэх сыралаах үлэни учууталлартан, төрөппүттэртэн эрэйэр.

Социум, ол аата тэрилтэлэр, төрөппүттэр оскуола5а чугас сибээстээх, бииргэ үлэлэһэр, көмөлөсүһэр эрэ буоллахтарына биһиги үөрэтэр о5олорбут үөрэххэ-билиигэ тардыһыылара күүстээх, үөрэх-билии хаачыстыбалаах, бэрээдэк, тутта-хапта сылдьыы үчүгэй, о5олор общественнай үлэ5э активнай буолуохтара. Бүтээри туран манна мустубут төрөппүттэргэ, тэрилтэ салайааччыларыгар үлэ5э-хамнаска ситиһиилэри, чэгиэн-чэбдик доруобуйаны, дьолу-соргуну ба5арарбын көңүллээң!

Дакылааты оңордо

оскуола дириэктэрэ

Данилов Анатолий Егорович –

Саха Республикатын үөрэ5ин туйгуна,

Россия уопсай үөрэхтээһинин

бочуоттаах үлэһитэ.