Куукула  театрынан  ситимнээх  саңаны  сайыннарыы.

 

         О5о  саңата-кини киhи  личность  быhыытынан  уопсай  сайдыытын  кѳрдѳрѳр.  Ол иhин  ситимнээх саңаны  сайыннарыыга  улахан  бол5омто  ууруллар.  Онон  тылы  сайыннарыы  ньымаларын  баhылыырга  то5оостоох  усулуобуйаны  тэрийиэххэ  наада.

         Оскуола5а  киириэн  иннинээ5и  саастаах о5о сγрγн  дьарыга-оонньуу.  Ол  иhин  кыра  кылаас  о5отун  сааhын  уратытын  учуоттаан,  маңнайгы  кылаастан  тылы  сайыннарыыны  оонньуу  нѳңγѳ  киллэрэр  табыгастаах  диэн  санааттан  куукула  театрыттан  са5алаабытым.

         Манна  γѳрэнээччилэр  уруккуттан  билэр,  таптыыр  куукулаларын: эhэни,  куоба5ы,  ыты,  куосканы   саңаралларын,  хамсаналларын  сэргээн  кѳрѳллѳр,  γѳрэллэр.  О5о  оонньууну  бэйэтин  эрэ  нѳңγѳ  аhарда5ына,  оонньоото5уна  айымньыны  ѳйдγγр,  ылынар  кыахтаах.  Ол  иhин  куукуланан  оонньууну  тγргэнник  ылыналлар,  холкутук  тутталлар,  симик  о5олор  элбэх  дьон  иннигэр  толлубакка  саңара  γѳрэнэллэр.  Ураты  кѳстγγ  кинилэри  абылыыр  уонна  дьэ  остуоруйа  алыптаах  дойдутун  устун  умсул5аннаах  айаннара  са5аланар.

         Куруhуокка  сγрγн  бо5омтобутун  γѳрэнээччилэр  дор5оонору,  тыллары  таба  саңаралларыгар  уурабыт.  Куруhуоктар  фонетическай  зарядкалартан,  дикция5а  эрчиллиилэртэн  (нууччалыы  скороговоркалар,  считалкалар,  чистоговоркалар,  сахалыы  чабыр5ахтар).  Оскуола,  кылаас  оло5уттан  мини-сценкалары  айан  оонньоон  кѳрдѳрѳллѳр.  Уус-уран  аа5ыы  маастардарын  толорууларыгар  литературнай  айымньылары  фонохрестоматияттан  иhитиннэрии  ыытыллар. 

         Ону  таhынан  о5о  оскуола5а  киириэ5иттэн  тулалыыр  эйгэни  кытта  билсиhиитэ,  интэриэhэ  кэңиир,  характерын  олуга  ууруллар  кэмэ  буолар,  ол иhин  бу  саастарыгар  кинилэргэ  до5ордоhуу,  γтγѳ  санаа,  кырдьыксыт,  γлэhит  буолуу  холобурдарын  кѳрдѳрѳр  ис  хоhоонноох  остуоруйалары  оонньоон  кѳрдѳрѳллѳр.

         Репертуары  таларга  γѳрэнээччи  аа5ар,  ылынар  уонна  билиитигэр-кѳрγγтγгэр,  интэриэhигэр,  саастарын  уратыларыгар,  толорор  кыахтарыгар  сѳптѳѳх  остуоруйалары  талабыт.

Ол  кэнниттэн  сценкалары  аа5аллар,  ырыталлар,  оруоллары  тыырыыга,  тылларын  γѳрэтиигэ  γлэ  барар.  Куукулаларынан  ширма5а  γлэлииргэ  эрчиллэллэр.

Бэлэмнэнии  γлэ  бγттэ5инэ-  группа  иннигэр  толоруу,  атын  кылаастарга  ыалдьыттааhын  онтон  иитиллибит  «Ньургуhун»,  «Чуораанчык»  детсадтарыгар  ыалдьыттыы  тахсыылар  ыытыллаллар.

         Сыл  устата  барар  дьарыктарга  о5олор  куукуланан  γлэлиир  γѳрγйэхтэрэ  сайдар.  Дор5оонору,  тыллары  таба  саңара,  хоhоонноохтук  аа5а  γѳрэнэллэр.

            Куруhуок  иитэр  суолтата  улахан.  Yѳрэнээччилэр  оонньонор  остуоруйалар  холобурдарыгар  тулалыыр  эйгэ5э  сыhыаңңа,  γчγгэйтэн  куhа5аны  араарарга,  эйэ5эс  до5ордуу,  эппиэтинэстээх  буоларга  уhуллаллар.  Тылларын  саппааhа  байар,  аа5ар  тэтимнэрэ  тγргэтиир,  дьон  иннигэр  толлубакка  саңара  γѳрэнэллэр,  толкуйдуур,  айар  дьо5урдара  сайдарын  кѳ5γлγγр.  Онон  маннык  куруhуоктары  тэрийэн  γлэлэтии  о5о  ситимнээх  саңата  сайдарыгар  тирэх  буолар.

Бу  куруhуоктарга  о5олоро  дьарыктаналлара  туhалаа5ын  тѳрѳппγттэрэ  да,  учууталлара  да  бэлиэтииллэр.

 

 

       Сунтаар  улууhун  Г.Е.Бессонов  аатынан  Тойбохой  орто  оскуолатын

                                    Алын  кылааhын  учуутала  Саввинова  Л.Д.